27 окт 08:04
Янгиликлар

Теннис

Бугун Федерер Базелда 10-соврини учун ўйнайди

Швейцариянинг Базель шаҳрида ўтказилаётган теннис бўйича нуфузли ATP турнири ўз якуни сари яқинлашмоқда.

Бугун Swiss Indoors Basel турнирининг ҳал қилувчи финал учрашуви ўтказилади. Кеча эса ярим финалда дунёнинг учинчи ракеткаси Рожер Федерер ATP рейтингида 7-ўринни эгаллаб турган грециялик Стефанос Циципасни мағлуб этди - 6/4, 6/4.

Швейцариялик 38 ёшли теннис афсонаси 1 соату 18 дақиқада 21 ёшли рақибини енгишга муваффақ бўлди. Ўзаро учрашувларда ҳисоб тенглашди - 1:1. Бугун Рожер бош соврин учун баҳсда австралиялик Алекс Де Минаурга қарши кортга чиқади. Бугун Федерер Swiss Indoors Basel турниридаги 10-титулини қўлга киритиши мумкин.