30 авг 08:10
Янгиликлар
Спорт курашлари, Кураш
Бугун Францияда спорт курашлари бўйича Жаҳон чемпионати старт олади
Бугун Франциянинг Макон шаҳрида спорт курашлари бўйича ёшлар ўртасидаги жаҳон чемпионати бошланади.
Йилнинг ушбу нуфузли мусобақасида Ўзбекистон терма жамоаси ҳам тўлиқ таркибда иштирок этади. Терма жамоамиз таркибидан асосан ўтган йили Филиппин пойтахти Манила шаҳрида ўтказилган Осиё чемпионатининг ғолиб ва совриндорлари жой олган.
Бугун жаҳон чемпионатининг илк кунида юнон-рум кураши вакиллари 50, 60, 74 ва 96 кг вазн тоифаларида гиламга чиқишади. Бугун бизга илк медални истеъдодли спортчимиз ўсмирлар ўртасидаги Нанкин Олимпиадаси ғолиби, Осиё чемпиони Илҳом Баҳромов келтириши мумкин. У 50 кг вазн тоифасида юртимиз спорт шарафини ҳимоя қилади.
Шунингдек, бугун Жавоҳир Мираҳмедов, Қамариддин Зайниддинов ва Жалгас Бердимуратовлар медаллар учун баҳсларга киришишади. Терма жамоа катта мураббийи Равшан Рўзиқулов.
Ҳавола :
Манба : olamsport.com
Фикрлар