25 авг 07:22
Янгиликлар

Кураш

Бугун ҳамюртларимиз иштирокидаги белбоғли кураш бўйича жаҳон чемпионати бошланади

Бошқирдистон Республикасининг Уфа шаҳрида белбоғли кураш бўйича 2006-2007 йилларда туғилган ўғил болалар ва қизлар ўртасида жаҳон чемпионати бўлиб ўтади.

Мазкур жаҳон чемпионатига пухта ҳозирлик кўрган белбоғли кураш бўйича ўсмирлар ва қизлардан иборат терма жамоамизнинг 20 нафар аъзоси кеча Уфа шаҳрига жўнаб кетди. Бугун старт оладиган жаҳон чемпионатида Бахтиёр Турғунпўлатов бош мураббийлигидаги ёш полвонларимиз белбоғли курашнинг классик ва эркин йўналишларида кураш тушишади.

Жаҳон чемпионатига йўл олган спорт делегациямизга Ўзбекистон белбоғли кураш федерацияси раиси Равшан Дастиров раҳбарлик қилмоқда. Шунингдек, мазкур чемпионатда жаҳон белбоғли кураш ассоциацияси президенти Азизбек Ғаниев ҳамда Осиё белбоғли кураш конфедрацияси раиси Мўмин Муратовлар ҳам расмий меҳмон сифатида иштирок этмоқда.