23 июл 09:02
Янгиликлар

Теннис

Бугун Ҳумоюн Султонов Финляндияда кортга чиқади

Финляндиянинг Тампере шаҳрида теннис бўйича "Челленжер" туркумига кирувчи турнир бўлиб ўтмоқда.

Соврин жамғармаси 46 600 еврони ташкил қилувчи мусобақада истеъдодли теннисчимиз Ҳумоюн Султонов ҳам иштирок этади. Ўтган ҳафта Қозоғистондаги "Челленжер" турнирида ярим финалга қадар етиб келган Ҳумоюн Тампере мусобақасининг асосий тўрида кортга чиқади.

Қуръа натижасига кўра, Султоновга австралиялик Кристофер О`Конелл рақиблик қилади. Ҳамюртимиз ATP рейтингида 343, Яшил қитъа вакили эса 514-ўринни эгаллаб турибди. Султонов - О`Конелл учрашуви Тошкент вақти билан соат 13:00да бошланиши белгилаб қўйилган.