15 мар 08:25
Янгиликлар

Бугун икки таэквондочимиз Олимпиада лицензияси учун даянга чиқади

Теглар : Озода Собиржонова Жасурбек Жайсунов

Бугун Хитойнинг Тайян шаҳрида таэквондо WТ бўйича Париж-2024 ёзги Олимпия ўйинлари учун Осиё лицензион турнири старт олади.

Биз учун аҳамиятлиси, мусобақада Ўзбекистон терма жамоасининг икки вакили ҳам биринчи кун доирасида даянга чиқади. Ҳамюртларимиз Жасур Жайсунов ва Озода Собиржоновага бугунги масъулиятли беллашувларда ғалаба ёр бўлишини тилаймиз.

Таэквондочиларимизнинг илк даврадаги рақиблари:

-80 кг: Жасур Жайсунов – Ва Митхона (Камбоджа) / Ваел Ал Фарраж (Қочоқ спортчилар жамоаси)

-67 кг: Озода Собиржонова – Тхи Бач (Вьетнам) / Моҳру Ҳалимова (Тожикистон)

Маълумот учун, терма жамоамиз аъзолари Улуғбек Рашитов (-68 кг) ва Светлана Осипова (+67 кг) муддатидан олдин рейтинг очколари орқали Париж-2024 Олимпия ўйинлари учун йўлланмани қўлга киритиб улгуришган.