Бугун Ильяс Бекбулатов олтин, Абдураҳмонов ва Вейсалов бронза учун курашади

Бугун мусобақанинг эркин кураш баҳсларида учта медаль қўлга киритиш имкониятимиз бор. Битта медаль нақд! -70 кг вазн тоифасида юртимиз шарафини ҳимоя қилаётган Ильяс Бекбулатов рақибларини йирик ҳисобларида мағлубиятга учратиб, финалга етиб келди. 

Ярим финалда у украиналик Александр Борутани 12:2 ҳисобида доғда қолдирди. Ильяснинг олтин медаль учун кечадиган беллашувдаги рақиби қирғизистонлик Исламбек Орозбековдан 5:3 ҳисобида устун келган озарбайжонлик Жабраил Гаджиев бўлади. 

Яна икки эркин курашчимизда Ўзбекистонга бронза медали билан қайтиш имконияти бор. 125 кг вазндаги полвонимиз Мақсуд Вейсалов ўтиш баҳсида арманистонлик Магакянга қарши гиламга чиқади. -79 кг вазндаги эркин курашчимиз Бекзод Абдураҳмонов эса ўтиш баҳсида болгариялик Октай Ҳасан билан тўқнаш келади.