04 сен 09:49
Янгиликлар

Теннис

Бугун Истомин Нью-Хевен турниридаги иштирокини бошлайди

Шу кунларда АҚШнинг Нью-Хевен шаҳрида теннис бўйича “Челленжер” туркумига кирувчи турнир бўлиб ўтмоқда.

Соврин жамғармаси 162 480 долларни ташкил қилувчи мусобақада ҳамюртимиз Денис Истомин ҳам иштирок этади. Мамлакатимизнинг биринчи ракеткаси Нью-Хевен турнирида саккизинчи рақам остида сараланган.

Қуръа натижасига кўра, Денис ўз иштирокини бугун тўғридан-тўғри иккинчи босқичдан бошлайди. Унинг рақиби америкалик теннисчи Дональд Янг бўлади.

Таққослаш учун, Истомин дунё рейтингида 139, Янг эса 197-ўринни эгаллаб турибди. Теннисчилар шу кунгача ўзаро тўрт маротаба тўқнаш келишган. Иккита учрашувда Денис, қолган иккитасида Янг зафар қучган.