17 окт 08:10
Янгиликлар

Бокс/ММА, Теннис

Бугун Истоминнинг Швециядаги юриши бошланади

Мамлакатимизнинг биринчи рақамли теннисчиси Денис Истомин бугун Швециянинг Стокгольм шаҳри мезбонлик қилаётган ATP турниридаги иштирокини бошлайди.

Швеция пойтахти мезбонлик қилаётган турнирнинг соврин жамғармаси 660 минг 375 еврони ташкил қилади. Ҳамюртимиз бугун япониялик Юити Сугитага қарши кортга чиқади.

Бу икки ракетка устаси икки ҳафта аввал Хитойнинг Чэнду шаҳрида ўтказилган турнирнинг ярим финалида ўзаро тўқнаш келишганди. Ўшанда Истомин кучли рақибини мағлубиятга учратган ва якунда турнир ғолибига айланган эди.

Таққослаш учун, Сугита дунё рейтингида 37, Истомин эса 57-ўринни эгаллаб турибди. Бугунги учрашувнинг Тошкент вақти билан соат 15:00да бошланиши белгилаб қўйилган.