Бугун Жаҳонгир Жумаев ва яна икки нафар ҳамюртимиз Дубайда жанг қилади

Бугун Дубай (БАА) шаҳрида аралаш жанг санъатлари бўйича Centurion FC промоушенининг навбатдаги мусобақаси бўлиб ўтади.

Эътиборлиси, мазкур мусобақада уч нафар ҳамюртимиз ҳам жанг қилади. Жумладан, тажрибали Жаҳонгир Жумаев (8-3) россиялик Абдулатип Магомедовга (7-0) қарши октагонга кўтарилади. Баҳромжон Рўзиевга (1-0) эса мисрлик Моҳамед Мамдуҳ (4-2) рақиблик қилади. Шунингдек, оқшом доирасида яна бир ҳамюртимиз — Феруз Усмонов (2-0) ҳам жанг қилади. Унга Миср вакили Абделгани Сабер (5-0-1) рақиблик қилади.

Кечанинг марказий жанги италиялик Удия Тергуи (8-6) ҳамда бразилиялик Лукас Круз (8-2) ўртасида кечишини таъкидлаш лозим.

Мусобақа Тошкент вақти билан 19:00 да бошланиши маълум қилинган.