16 мар 09:41
Янгиликлар

Теннис

Бугун Жўрабек Қозонда финал чиптаси учун кортга чиқади

Истеъдодли теннисчимиз Жўрабек Каримов Россиянинг Қозон шаҳрида ўтказилаётган турнирда муваффақиятли тарзда иштирок этяпти.

Kazan Open мусобақасининг соврин жамғармаси 15 000 АҚШ долларини ташкил этади. Турнирда еттинчи рақам остида таснифланган ҳамюртимиз кеча чорак финалда турнирнинг биринчи ракеткаси россиялик Таймураз Габашвилини мағлуб этган эди.

Таққослаш учун, 19 ёшли Жўрабек Каримов дунё рейтингида 580, 32 ёшли Габашвили эса 313-ўринни эгаллаб турибди. Бугун Жўрабек ярим финал учрашувида яна бир мезбон теннисчиси, турнирда бешинчи рақам остида таснифланган Павел Котовга қарши кортга чиқади.