Бугун курашчи қизларимиз Жаҳон чемпионати медаллари учун гиламга чиқишади

Йилнинг ушбу нуфузли мусобақасида Ўзбекистон терма жамоаси ҳам тўлиқ таркибда иштирок этяпти. Терма жамоамиз таркибидан асосан ўтган йили Филиппин пойтахти Манила шаҳрида ўтказилган Осиё чемпионатининг ғолиб ва совриндорлари жой олган.

Бугун жаҳон чемпионатининг учинчи кунги баҳсларида аёллар кураши бўйича ғолиб ва совриндорлар аниқланади. Аниқроғи, 44, 51, 59, ҳамда 67 кг вазн тоифаларида ғолиб ва совриндорлар нома маълум бўлади.

Аёллар кураши терма жамоамиз аъзоларидан бугун уч нафари гиламга чиқади. 51 кг вазнда Нодира Собирова, 59 кг вазн тоифасида Набира Есенбаева ҳамда 67 кгда Бахтигул Болтаниёзова совринли ўринлар учун баҳсларга киришишади. Терма жамоа катта мураббийи – Ахмет Кагарманов.

Эслатиб ўтамиз, бизга ушбу жаҳон чемпионатидаги илк ва ҳозирча ягона бўлиб турган медални истеъдодли спортчимиз ўсмирлар ўртасидаги Нанкин Олимпиадаси ғолиби, Осиё чемпиони Илҳом Баҳромов келтирганди. У финалда россиялик рақибига имкониятни бой бериб, жаҳон вице-чемпионига айланганди.