Бугун Осиё чемпионатида 5 нафар курашчи қизимизга мухлислик қиламиз

Бугун қитъа чемпионатининг тўртинчи куни аёллар кураши бўйича беллашувлар давом эттирилади. Кеча 5 нафар курашчимиз мусобақани медалсиз якунлаганди. Терма жамоамиз шарафини ҳимоя қилган Дилфуза Аймбетова бронза медалига яқин келганди. Аммо -59 кг вазндаги курашчимиз бронза учун баҳсда япониялик Рисако Кинжога ютқазиб қўйди. 

Бугун яна 5 нафар курашчимиз Осиё чемпионатидаги юришини бошлайди. Дилшода Матназарова (-53 кг), Улмекен Есенбаева (-57 кг), Муяссар Кушмуратова (-62 кг), Динора Рустамова (-65 кг) ва Озода Зарипбоева (72 кг)га бўлажак баҳсларда ғалаба ёр бўлсин.  

Курашчи қизларимиз учун қуръа натижаси:   

-53 кг: 1/4 финал. Дилшода Матназарова – Отгонтуя Чинболд (Мўғулистон)/Жи Хянг Ким (КХДР)

-57 кг: Квалификация раунди. Улмекен Есенбаева – Сезим Жуманазарова (Қирғиз Республикаси) 

-62 кг: Квалификация раунди. Муяссар Кушмуратова – Ариан Гералин Карпио (Филиппин)

-65 кг: 1/4 финал. Динора Рустамова – Ирина Казюлина (Қозоғистон) 

-72 кг: 1/4 финал. Озода Зарипбоева – Ҳаршита (Ҳиндистон)