Бугун Осиёнинг 42 терма жамоаси Париж Олимпиадаси учун курашни бошлайди

2024 йил 15 апрелдан - 3 майгача бўлиб ўтадиган Осиё кубогида дастлабки учта ўринни эгаллаган 3 терма жамоа Париж Олимпиадасида Осиё қитъаси шарафини ҳимоя қилади. Бугун Осиё кубоги учун саралаш бошланади. 

Саралашда жами 11 та гуруҳда жами 42 та терма жамоа 15 та йўлланма учун курашади. Сўнгги 16-йўлланма мезбон Қатар учун ажратилган. 9 та гуруҳда 4 тадан, 2 та гуруҳда эса 3 тадан жамоа иштирок этади.

11та гуруҳда биринчи ўринни олган 11та жамоа Осиё кубогига йўлланма олади. Яна 4та йўлланма эса гуруҳларда энг яхши натижага эришган иккинчи ўрин соҳибларига насиб қилади. Иккинчи ўринлар ўртасидаги энг яхши натижа қайд этган жамоаларни аниқлашда гуруҳда 4-ўринни олган жамоалар билан ўйинлар бекор қилинади. Сабаби "B", "I" ва "K" гуруҳларида 3тадан жамоа бор. Аслида "B" гуруҳида Қатар ҳам бор, лекин унинг ўйинлари ўртоқлик даражасига тенглаштирилган ва гуруҳ жадвалига таъсир қилмайди.


"А" гуруҳи - Иордания, Сурия, Уммон, Бруней

"B" гуруҳи - Корея Республикаси, Мьянма, Қирғиз Республикаси, (Қатар)

"C" гуруҳи - Вьетнам, Сингапур, Яман, Гуам

"D" гуруҳи - Япония, Баҳрайн, Фаластин, Покистон

"E" гуруҳи - Ўзбекистон, Эрон, Гонконг, Афғонистон

"F" гуруҳи - Ироқ, Кувайт, Тимор Лесте, Макао

"G" гуруҳи - БАА, Ҳиндистон, Мальдив, Хитой

"H" гуруҳи - Таиланд, Малайзия, Бангладеш, Филиппин

"I" гуруҳи - Австралия, Тожикистон, Лаос

"J" гуруҳи - Саудия Арабистони, Камбоджа, Ливан, Монголия

"K" гуруҳи - Туркманистон, Индонезия, Хитой Тайпейи