Бугун Шаҳобиддин Зоиров ва Жаҳонгир Зокиров Венада рингга кўтарилади

Биз учун аҳамиятлиси, ушбу бокс оқшоми доирасида икки чарм қўлқоп устамиз - Рио-2016 Олимпиадаси чемпиони Шаҳобиддин Зоиров ҳамда Баҳодир Жалоловга издош сифатида қаралаётган Жаҳонгир Зокиров ҳам рингга кўтарилади. 

Супероғир вазн тоифасдаги ёш боксчимиз Жаҳонгир Зокиров албаниялик Фабио Касиуга қарши IBA камарининг ярим финалида жанг қилса, Зоиров -54 кг вазнда испаниялик Самуэл Кармона билан тўқнаш келади. Ушбу жуфтлик ғолиби ҳам кейинги турнирда IBA камари учун рингга чиқиш ҳуқуқини қўлга киритади.

Эслатиб ўтамиз, шу йил 14 апрель куни Тошкентда ўтган IBA Чемпионлар оқшомининг марказий жангида ҳамюртимиз Ҳасанбой Дўсматов айнан Самуэль Кармонани 10 раунд якунларига кўра очколар ҳисоби бўйича мағлуб этиб, ташкилот камарини қўлга киритганди.

Венадаги бокс турнири бизнинг вақт билан соат 22:00 да бошланади.