05 июл 08:05
Янгиликлар

Теннис

Бугун Шарипова Германиядаги иштирокини бошлайди

Германиянинг Дармшдат шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 долларни ташкил қилувчи мусобақанинг асосий тўрида Сабина Шарипова ҳам иштирок этади. Ҳамюртимиз турнирнинг учинчи ракеткаси сифатида ҳаракат қилади.

Бугун вакиламиз асосий тўрнинг илк даврасида австриялик Жулия Граберга қарши кортга чиқади. Шарипова дунё рейтингида 149, 21 ёшли Грабер эса 290-ўринни эгаллаб турибди.