Бугун Туркиядаги "Катта Дубулға"да 7 нафар дзюдочимизга мухлислик қиламиз

Ушбу нуфузли мусобақада сайёрамизнинг 5 қитъаси 93 давлатидан жами 628 нафар (355 эркак, 273 аёл) дзюдочи иштирок этади. Улар қаторида Ўзбекистон терма жамоаси дзюдочилари ҳам медаллар ҳамда Париж-2024 Олимпиадаси йўлидаги қимматли рейтинг очколари учун татамига чиқади. 

Одатдагидек, дастлабки кун енгил вазн тоифасидаги спортчилар татамида куч синашишади. Унга кўра, Ўзбекистон терма жамоасининг 7 нафар вакили илк юришини қуйидаги рақибларга қарши баҳс билан бошлайди: 

-60 кг: Достон Рўзиев - Андреа Карлино (Италия)

-60 кг: Дилшод Баратов - Кристос Пинсис (Греция)

-66 кг: Муҳриддин Тиловов - Конрад Шока (Нейтрал спортчи)/Лукас Саҳа (Финландия)

-66 кг: Сардор Нуриллаев - Боян Йотов (Болгария)/Орландо Поланко (Куба)

-52 кг: Сита Қадамбоева - Роза Гертес (Венгрия).

-57 кг: Гулҳаё Жўраева - Анжелика Делгадо (АҚШ)/ Лсения Данилович (Нейтрал спортчи)

-57 кг: Шукуржон Аминова - Асенур Будак (Туркия).

Бугунги беллашувлар Тошкент вақти билан соат 11:30 да бошланади!