07 июн 14:21
Янгиликлар

Бокс/ММА

Бугунги UFC 250 турнирининг бонуслари кимга насиб қилди?

Бугун тонгда АҚШнинг Невада штати Лас-Вегас шаҳрида UFC 250 турнири бўлиб ўтди.

Анъанага кўра ташкилотчилар барча жанглар якунланганидан сўнг бонус соҳибларини эълон қилди. Лекин оқшомнинг энг яхши жанги аниқланмади. Ҳақиқатан ҳам бугунги турнирда энг яхши бўлишга лойиқ ёрқин жангга гувоҳ бўлмадик.

Бугун ғалабага эришган жангчилардан Альжамейн Стерлинг, Коди Гарбрандт, Шон О'Мэйли ва Алекс Перес гонорарга қўшимча тарзда 50 минг доллардан бонус пулига эга бўлишди.

Маълумот учун, Стерлинг икки дақиқа ичида Кори Сандхегенни нокаутга учратди. Коди Гарбрандт иккинчи раунднинг сўнгги сонияларида Рафаэль Ассунсаони енгди. О'Мэйли ва Перес эса биринчи раундда ўз рақибларини "тинчитишди".