БУМ! Ўзбекистонлик спортчи Дана Уайт даъвогарлар сериясида жанг қилади

Бу ҳақда Нуфтиллаев ҳамкорлик қилувчи Қозоғистоннинг Octagon MMA Лигаси хабар берди.

Унга кўра, Octagon League'нинг оғир вазн тоифасидаги вақтинчалик чемпиони Нуфтиллаев Dana White Contender Series'да жанг қилиш учун шартнома олган. Рақиб ва жанг санаси кейинроқ эълон қилинади.

Шу тариқа, Азамат даъвогарлар сериясида жанг қилган иккинчи ўзбекистонлик атлетга айланиши мумкин. Бундан аввал Анвар Бойназаров 2022 йилдаги серияда иштирок этиб, мағлуб бўлганди.

Маълумот учун, 31 яшар ҳамюртимиз фаолияти давомида 19 та жанг ўтказиб, 17 та ғалаба, биттадан мағлубият ва дуранг қайд этган.