Бьянка Андрееску Саккаридан устун келди

Канадалик теннисчи чорак финалда рейтингнинг 25-поғонасидан жой олган грециялик Мария Саккарини 7/6(7), 3/6, 7/6(4) ҳисобларида мағлубиятга учратди.

Теннисчиларнинг ўзаро илк учрашуви 2 соату 42 дақиқа давом этган. Мария 3 та, Бьянка эса 2 та эйс зарбасига муаллифлик қилган. Энди у финал чиптаси учун дунёнинг биринчи ракеткаси, австралиялик Эшли Бартига қарши кортга чиқади.