Кудерметова мезбон рақиб, дунёнинг 37-ракеткасига иккинчи сетда муносиб қаршилик кўрсатди

Хабар берганимиздек, ушбу турнирда мамлакатимизнинг иккинчи ҳамда учинчи ракеткалари Мария Тимофеева ва Полина Кудерметова иштирок этяпти. Кеча тунда 23 ёшли Кудерметова 1/16 финалда мезбон юрт вакиласи, дунёнинг 37-ракеткаси бўлиб турган тажрибали Мария Саккарига қарши кортга чиқди. Биринчи сетда ўзига умуман ўхшамаган Полина 0/6 ҳисобида ютқазди. Иккинчи сет эса тай-брекка қадар етиб борди ва афсуски, унда ҳам тажриба ўз сўзини айтди - 6/7(1). 

Таққослаш учун, Полина жаҳон рейтингида 109-ўринни эгаллаб турибди. Ҳар икки теннисчи ҳам 85 дақиқа давом этган баҳсда 3 тадан эйс зарбасини амалга оширишди. Қўшхатолар вакиламизда кўпроқ бўлди - 5 га 1. Бу теннисчиларнинг ўзаро ўтказган илк учрашуви бўлди. Pharmaceuticals Athens Open WTA 250 турнирининг мукофот жамғармаси 283,347 АҚШ долларини ташкил этади.