Candidates Women Tournament 2024. Лагнода кетма-кет тўртинчи дуранг

Аёл шахматчилар мусобақасида хитойликлар Лэй Тинцзе, Тань Чжонъи, ҳиндистонликлар Хампи Конеру, Рамешбабу Вайшали, украиналик Анна Музичук, болгариялик Нургюл Салимова, FIDE байроғи остида иштирок этаётган Александра Горячкина ва Катерина Лагно тож даъвогарини аниқлаб бериш учун баҳс олиб боряпти.

Пешқадам хитойлик Тан Чжонъи бу турда қора доналарда FIDE байроғи остида ўйнаётган россиялик Екатерина Лагно билан муросага келди. Бу Лагно учун кетма-кет тўртинчи дуранг бўлди. Чин юрти вакиласи 4 имкониятдан 3 очко жамғариб, турнир жадвалида пешқадамлик қиляпти. Болгариялик Нургюл Салимова ҳиндистонлик жаҳон чемпиони Хампи Конеруни мағлуб этишни уддалади. 

Candidates Women Tournament 2024. 4-тур натижалари

Екатерина Лагно (FIDE) — Тань Чжонъи (Хитой) — 1/2:1/2

Нургюл Салимова (Болгария) — Хампи Конеру (Ҳиндистон) – 1:0

Александра Горячкина (FIDE) — Рамешбабу Вайшали (Ҳиндистон) — 1/2:1/2

Анна Музичук (Украина) — Лэй Тинцзе (Хитой) — 1/2:1/2

Candidates Women Tournament 2024. 5-тур жуфтликлари: 

Лэй Тинцзе (Хитой) — Екатерина Лагно (Россия) 

Рамешбабу Вайшали (Ҳиндистон) — Анна Музичук (Украина)

Хампи Конеру (Ҳиндистон) — Александра Горячкина (Россия)

Тань Чжонъи (Хитой) —  Нургюл Салимова (Болгария) 

Маълумот учун, Candidates Tournament 2024 турнирнинг умумий мукофот жамғармаси 750 000 еврони ташкил этади. Умумий суммадан 500 минг доллари эркаклар, 250 минги аёллар ўртасидаги турнирга тегишли. Яъни, эркак шахматчилар мукофот пулини аёлларга қараганда икки барабар кўпроқ олишади. Эркакларда ғолиб 48 000, аёллар эса 24 000 еврони қўлга киритади.