Царукян Мовсар Евлоевнинг чемпионлик имкониятига эга чиққанини ҳазм қила олмаяпти

"Мен кейингисиман! Нима деб ўйлайсиз, UFC мухлислари, мен ярим енгил дивизионни қутқаришим керакми?", - деб ёзди россиялик енгил вазнли спортчи Лондонда бўлиб ўтган UFC Fight Night 270 турниридан сўнг ижтимоий тармоқдаги саҳифасида.

Царукян чемпионликка жанг қилиш учун ярим енгил вазнга тушишга тайёрлигини жорий йилнинг январь ойида эълон қилган бўлса, Волкановски Арманни дивизионда кутиб олишга қарши эмаслигини айтганди. Царукян яқинда берган интервьюсида ташкилот раҳбарияти билан аллақачон гаплашгани ва UFC’даги навбатдаги жанги қачон бўлишини билишини айтганди.

Британиялик Лерон Мёрфини ҳакамларнинг кўпчилик овози билан мағлуб этган Евлоев дивизион рейтингида биринчи ўринни сақлаб қолди ва даъвогарлар пойгасида етакчига айланди. Бироқ россиялик ташкилот томонидан Волкановскига навбатдаги рақиб бўлишига 100 фоиз кафолат берилмаган.