06 авг 11:18
Янгиликлар

Бокс/ММА

Царукян - Оливейра жанги бекор қилиниши сабаби маълум бўлди

Арман Царукян ва Маурисио Руффи ўртасида енгил вазн тоифасидаги жангнинг расман эълон қилиниши кутилмаган ҳолат бўлди.

Чунки барча 19 сентябрь куни Лос-Анжелесда бўлиб ўтадиган UFC 331 турнирида Арман бразилиялик Чарльз Оливейра билан жанг қилишини кутаётган эди. BMF камари соҳиби ҳақиқатан ҳам ушбу турнирда иштирок этиши керак эди, бироқ у жангдан бош тортди.

Бразилияликнинг жамоасига яқин манбаларнинг хабар беришича, Оливейра Царукян билан реванш жангидан воз кечган. Бунга унинг жамоадоши Аллан Насиментонинг вафоти сабаб бўлган. Насименто уч кун аввал уйқусида юрак хуружи туфайли ҳаётдан кўз юмганди.

Царукян ва Оливейра ўртасидаги жанг реванш мақомида бўлиши керак эди. Уларнинг илк тўқнашуви 2024 йилнинг апрель ойида бўлиб ўтган ва ҳакамларнинг айри қарори билан россиялик енгил вазнли жангчининг ғалабаси билан якунланган эди.