Царукян: "Пимблетт 5-6 йил дам олиши керак. У аввал ҳам аҳмоқ эди"

— У жангда сени ҳайратга солган жиҳат бўлдими?

— Ҳа, Пэдди 15 марта йиқилгани мени ҳайратга солди. Бу ақлга сиғмайди! У энди бундай жангдан кейин 5-6 йил танаффус олиши керак. 15 марта йиқилиш мия учун жуда зарарли. У олдин ҳам унчалик ақлли эмас эди, энди бу жангдан кейин умуман аҳмоқ бўлиб қолиши мумкин.

— Унинг мағлубияти сени ранжитдими? Агар у ютганида, сен у билан жанг қилишинг мумкин эди-ку.

— Йўқ. Аксинча, уни янада қаттиқроқ "ёриб ташлашларини" истардим.

— Жангни кўрдингми? У шунчалик ёмонми?

— У даҳшатли. Мен умуман у ёмон жангчи демаяпман. Ислам яхши жангчи, Оливейра яхши жангчи, Холлоуэй яхши жангчи, Порье яхши жангчи. Лекин бу "ахлат" — нол даражадаги жангчи. Бу нафратим учун эмас, шундайлигидан. Агар менга Пэддини беришса, жанг пайтида уни нокаут қилайми ёки Хукерга ўхшаб бўғиб қўяйми, деб ўйлаб турардим.

— У ҳаддан ташқари ўзига ишонганмиди?

— Ҳа, у Чендлер, Бобби Грин, Фергюсон каби "ахлат челакларини" ютгани учун ўзига ортиқча ишонган. Фергюсон ўз вақтида зўр эди, лекин у аллақачон пик формасидан ўтганди. Агар бу 5-6 йил аввалги Фергюсон бўлганида, Пэдди ютолмасди, — деди Царукян.