Царукян ва Ковингтон иштирокидаги жанглар бошқа муддатга кўчирилди

Профессионал кураш лигаси Real American Freestyle (RAF) RAF 13 ва RAF 14 турнирлари янги саналарга кўчирилганини эълон қилди. Бунда тадбирлар ўтказиладиган жойлар ўзгаришсиз қолди.

Хусусан, 19 сентябрь куни Майамида бўлиб ўтиши керак бўлган RAF 13 турнири бир кун олдин, яъни 18 сентябрда ўтказилади. Шоунинг марказий воқеаси Колби Ковингтон ва Белал Муҳаммад ўртасидаги қарама-қаршилик бўлиб қолади, унда "Хаос" крузервейт вазн тоифасида RAF Crossover чемпионлик камарини ҳимоя қилади. Шунингдек, ушбу тадбир доирасида UFC`нинг собиқ чемпиони Люк Рокхолд Жо Пайфер билан тўқнаш келади.

RAF 14 турнири дастлаб 3 октябрга белгиланган эди, бироқ эндиликда у 23 октябр куни Лас-Вегасда бўлиб ўтади. Тадбирнинг марказий воқеаси, режалаштирилганидек, Арман Царукян ва Диллон Денис ўртасидаги жанг бўлади.

Америка лигасининг навбатдаги турнири 5 сентябрь куни Москвада бўлиб ўтади ва унинг марказий жанги UFC собиқ чемпионлари Хамзат Чимаев ва Тайрон Вудли ўртасида кечади.