"Царукяннинг калласини узиб ташлайман" – Пимблетт 2026 йилги режалари билан ўртоқлашди

Пэдди енгил вазн тоифасида вақтинчалик UFC чемпионлигини қўлга киритишга, кейин эса Илия Топурия билан жангда камарни бирлаштиришга ва уни Арман Царукянга қарши баҳсда ҳимоя қилишга ваъда берди.

"2026 йил ҳаётимдаги энг муҳим йил бўлади. Вақтинчалик чемпионликни қўлга киритиб, кейинчалик Илия Топурияни мағлуб этиб, мутлақ чемпион бўлмоқчиман. Кейин бу кичкина нозик бола - Арман Царукянга навбат келади. Агар у октагонга чиқа олса, чунки у бекор ўтиришни ва бел оғриғидан шикоят қилишни яхши кўради. Унинг ҳам калласини оламан", - дея Пимблеттнинг сўзларини келтиради UFC’нинг ижтимоий тармоқдаги расмий аккаунти.

Пэдди Пимблетт 24 январь куни UFC 324 турнирида Жастин Гэтжи билан вақтинчалик камар учун жанг қилиши керак. Рейтингда биринчи ўринни эгаллаб турган Царукян аввалроқ британияликни UFC рейтингида енгил вазн тоифасида энг яхши бешликка лойиқ кўрилмагани учун танқид қилганди.