Царукяннинг собиқ рақиби Флоридада ҳибсга олинди

Полиция ҳисоботига кўра, синглисининг бўлажак тўйига бағишланган зиёфатда иштирок этган Пуллас муштлашувда иштирок этиб, жабрланувчини ойналик столга улоқтирган, натижада у турли даражада жароҳатлар олган. Америкалик 6 июнь куни маҳаллий вақт билан эрталаб соат 3:55 да ҳибсга олинган ва кейин 1500 доллар гаров эвазига озод қилинган.

Маълумотларга кўра, зиёфат давомида Жоржио ва унинг акаси Николас синглисига даъво қилиб, уни ҳақорат қилган, куёв ва унинг акаси аралашмоқчи бўлганида жанжал келиб чиққан. Куёв калтакланган, акаси эса шиша столга улоқтирилиши оқибатида жароҳат олган.

Полиция етиб келганида ака-ука Пулласлар воқеа жойидан қочиб кетишган, бироқ улар қўшни уй ҳудудидаги буталар орасига яширинган пайтда топилган. Пулласнинг укаси ҳам ҳибсга олинган, аммо оддий калтаклашда камроқ айбловлар қўйилган. Мазкур иш бўйича суд мажлиси 9 июлга белгиланган.

Жиоржио Пуллас RAF лигасидаги ўйинлари билан шуҳрат қозонди, у ерда Арман Царукян билан иккита ўйин ўтказди ва иккала сафар ҳам россияликка очколар бўйича ютқазди. Биринчи беллашув жамоалар ўртасидаги оммавий муштлашув билан якунланди.