Чел Соннен: "Махачев - Топурия тўқнашуви Макгрегорнинг ҳар қандай жангини ортда қолдиради"

Сонненнинг айтишича, Конорнинг ўрнига Лига Ислам Махачев ва Илия Топурияни тарихий тадбирнинг асосий жанги иштирокчилари этиб тайинланиши муваффақиятлироқ бўлади. 

"Агар Конор асосий жангда иштирок этса, чемпионлик унвони бўлмаслиги ҳақида очиқ гапиряпмиз, бу эса тарихдаги энг катта шоу титул жангисиз ўтишини англатади. Аммо чемпионлик учун жангдан муҳимроқ нима бўлиши мумкин?

Агар Жон Жонс ташкилотнинг ишончини қозонмоқчи бўлса, унда буни амалга оширишнинг кўплаб усуллари бор. Чунки Жонс иштирокидаги жангдан ўтадиган жанг йўқ. У февраль ойида Ванкуверда жанг қилиши ва биринчи рақамли даъвогар эканлигини исботлаб, юқорига кўтарилиши мумкин.

Бундан ташқари, бизда аллақачон тайёр катта жанг бор - бу Илия Исламга қарши. Топурия Махачевга қарши, чемпион чемпионга қарши - бу жанг Конор Макгрегор иштирокидаги ҳар қандай жангдан устун бўлади", - деди америкалик аралаш яккакураш устаси.

Илия Топурия билан супержанг ҳақиқатга айланиши учун Ислам Махачев 15 ноябрь куни Жек Делла Маддаленани мағлуб этиб, австралияликдан яримўрта вазн тоифасида UFC чемпионлик камарини тортиб олиши керак. Грузиялик жангчи эса келаси йил бошида октагонга қайтиб, ўзига тегишли енгил вазндаги чемпионлик камарини вакант қўйишни режалаштирмоқда.