02 апр 14:47
Янгиликлар

Футбол

"Челси" Бразилия терма жамоасининг икки ўйинчисини нишонга олди

"Челси" ёзги трансферлар ойнасида таркибини жиддий тарзда кучайтиришга тайёр.

Лондон клуби "Порту" ҳимоячиси Алекс Теллеснинг харидига қизиқиш билдирмоқда. Португалия клуби бразилияликнинг трансферидан 40 миллион евро ишлаб олмоқчи.

"Челси" шунингдек "Барселона" хавбеки Филиппе Коутиньо учун ҳам "Тоттенхэм" билан рақобат қилади.

Таъкидланишича, ўйинчиларнинг агентлари билан яхши алоқа "Челси"га трансферларни амалга оширишда қўл келади. Лондон клуби АПЛнинг 29 туридан сўнг 48 очко тўплаган ҳолда, жадвалнинг тўртинчи ўрнида бормоқда.