25 июн 10:33
Янгиликлар
Бокс/ММА
Чемпион Усман Бёрнсга қарши тайёргарлик режасини ўзгартирди
Ярим ўрта вазнда UFC чемпиони Камару Усман машғулот лагерини ўзгартиришга қарор қилди.
Усман 11 июль куни Гилберт Бёрнсга қарши кечадиган чемпионлик ҳимоя жангига тайёргарлик кўряпти. Камару машғулот лагери билан бирга мураббийларни ҳам ўзгартирди. Бунга етарлича сабаб ва асослар бор, албатта.
Эътиборга молик жиҳати шундаки, Усман ва Бёрнс деярли бутун фаолиятилари давомида мураббий Генри Хуфтнинг Sanford MMA залида шуғулланиб келишган. Хуфтнинг ўзи аввалроқ Усман - Бёрнс жангида ҳеч бир шогирдининг бурчагида бўлмаслигини, лекин улар бемалол залда машғулот ўтказишлари мумкинлигини маълум қилганди.
Кечадан бошлаб Камарунинг машғулот лагери Денверга кўчди. У ерда чемпион Тревор Виттман қўл остида машғулотни давом эттиради. Тревор Жастин Гэтжи, Роуз Намаюнас сингари машҳур UFC жангчиларига устозлик қилгани билан ном қозонган.
Ҳавола :
Фикрлар