23 янв 13:45
Янгиликлар
Бокс/ММА
Чемпионлик камарини қайтариб олган Фигередо ғалабадан сўнг нималар деди?
Эндиликда ўта енгил вазн тоифасида UFC камари соҳиби Дэйвисон Фигередо собиқ чемпион Брендон Моренони мағлуб этганидан сўнг ўз хурсандчилиги билан ўртоқлашди.
"Бугун менинг куним эди. Моренога ажойиб жанг учун миннатдорчилик билдираман. Менга ишонч билдирганларга раҳмат. Уларнинг ишончини оқлаганимдан хурсандман. Тўрт ой давомида оиламдан узоқда яшадим, улар учун ҳам жанг қилишим керак эди.
Аввалги жангимда мағлуб бўлдим. Мағлубиятдан тўғри хулоса чиқариб, янада кучли бўлиб қайтишим керак эди ва буни уддаладим. Бу ғалабамда Генри Сехудонинг ўрни ҳам жуда катта. Шу ерга етиб келишимга ёрдам берган ҳар бир мураббийимга раҳмат айтаман. Моренога қарши Мексикада реванш ўтказишга тайёрман", - деди Фигередо.
Ҳавола :
Манба : olamsport.com
Фикрлар