Чендлер ва Гэтжи ўртасидаги жанг бекор қилиниши мумкин

Гап шундаки, Нью-Йорк штатида коронавирус билан боғлиқ янги чоралар кучга кирди. Унга кўра, ёпиқ иншоотларда ўтказилаётган мусобақаларга фақатгина вакцина қабул қилган кишиларгина киритилади. Майкл Чендлер эса вакциналашга қаршилигини маълум қилди.

"Мен вакцинага қарши бўлганман. Унинг самарасидан шубҳа қилмайман. Мен шунчаки вакцина 100% текширувдан ўтсагина кейин унга ишонаман. 100 йиллаб синовдан ўтказилган вакциналар бор.

Нима бўлишини аниқ билмайман. Вакцина олиш ҳар кимнинг ўз танлови. Олтинчи ноябрь кунигача мен вакцина олмайман. Шу сабаб Гэтжига қарши жанг қила олмаслигим мумкин", -деди Майкл Чендлер.