Чикадзе: "Каттарга қарши 10 та жангдан 9 тасида ғолиб бўламан"

"Нима бўлса бўлди, бўлгани шу. Ўша кун меники бўлмади, аммо ҳозир ҳаммаси жойида. Баъзан шундай бўлиб туради. Яхши жанг бўлди. Рақибим ўзини яхши кўрсатди, лекин мен хатога йўл қўйдим. Мен тиканиб оламан. Биламан, барчангиз менинг фаолиятимни кузатасиз, мағлубият бунинг бир қисмидир. Мен бу спорт тури билан шуғулланиб бошлаганимдаёқ мағлубият фаолиятимнинг бир қисми эканлигини тушунганман. Ҳафа бўлдим, лекин ҳаммаси жойида. Мен бундан сабоқ оламан ва бунданда кучлироқ бўлиб қайтаман. Бўлажак рақибларимга аллақачон ачиняпман.

Каттарга қарши 10 та жангдан 9 тасида ғолиб бўлишимни ҳис қиляпман. Бу мен мағлуб бўлган ва у хурсандчилик қилган жанг бўлди. Бор йўғи шу. Мен хато қилдим ва бунинг учун товон тўладим. Ҳаммаси яхши. Эслаб қолинг, грузинлар – синиб қолмайди. Биз ҳар доим оҳиригача курашамиз", — деди Гига Чикадзе Facebook саҳифасидаги жонли эфир вақтида.