Чилонзор прокурори кубогида ғолиб ва совриндорлар маълум ФОТОГАЛЕРЕЯ

Пойтахтимиздаги Сингапур Менежментни ривожлантириш институти спорт саройи икки кун давомида кураш мухлислари билан гавжум бўлди. Чилонзор тумани прокурори соврини учун ўтказилган турнирда икки юз нафардан зиёд полвон ғолиблик учун беллашдилар.

Чилонзор туман прокуратураси, Тошкент шаҳар кураш федерацияси, Тошкент шаҳар халқ таълими бош бошқармаси ҳамкорлигида уюштирилган мазкур мусобақада 2010-2011 йилларда туғилган болалар 30 кг., 36 кг., 44 кг., 2007-2008 йилларда туғилган ўсмирлар 55 кг., 65 кг., катталар — эркаклар 73 кг., 90 кг., +90 кг. ҳамда аёллар 63 кг. вазн тоифаларида ғолиблик учун гиламга чиқди.

Унда ўз вазн тоифаларида Акобир Амруллоев (30 кг.), Иброҳим Жовлиев (36 кг.), Баркамол Тошпўлатов (44 кг.), Акобир Зоиров (55 кг.), Рамзиддин Қаюмов (65 кг.), Ислом Шерназаров (73 кг.), Эрназар Хуррамов (90 кг.), Бухор Тўхтаев (+90 кг.) ҳамда Малика Қаҳҳорова (63 кг.)лар шоҳсупанинг энг юқори поғонасидан жой олдилар.

Ғолиб ва совриндорларга диплом, медаль ва совғаларни Тошкент шаҳар прокурорининг биринчи ўринбосари Икром Наримов, Ўзбекистон кураш федерацияси раисининг биринчи ўринбосари Комилжон Юсуповлар топширди.

Суратлар муаллифи - Алимурод МАМАДАМИНОВ, ўз мухбиримиз