23 фев 08:49
Янгиликлар

Бокс/ММА

Чимаев ўзига "вызов" ташлаган Шон Стриклендни ғунажин деб атади

Ўрта вазн тоифасида (84 кг гача) амалдаги UFC чемпиони Хамзат Чимаев америкалик собиқ чемпион Шон Стрикленднинг чақирувига жавоб қайтарди.

"Ўзингни бос. Сени икки марта урган йигитни йўқ қилдим. Америка ғунажинлари", - деб ёзди Чимаев ижтимоий тармоқдаги саҳифасида.

Ўтган йилнинг август ойида бўлиб ўтган UFC 319 турниридаги сўнгги жангида Чимаев жанубий африкалик Дрикус дю Плессини ҳакамларнинг якдил қарори билан мағлуб этиб, чемпионликни қўлга киритганди. Стрикленд кеча UFC Fight Night 267 турнирида ҳамюрти Энтони Эрнандесни техник нокаутга учратди.

"Дивизионнинг энг кучли икки жангчисининг жангини ким кўришни истамайди? Америка тупроғида ҳақиқий америкалик ва бу кичкина чечен ўртасидаги жангни ҳамма орзиқиб кутмоқда", - деди жангдан сўнг Шон Чимаевга ишора қилиб.