31 янв 09:38
Янгиликлар

Бокс/ММА

Чимаев Перейра жамоасига "ответ" қилди: "Энди ҳеч қандай ҳурмат йўқ!"

Хамзат Чимаев Гловер Тейшейранинг Алекс Перейра бошқа поғонада экани ва агар жанг бўлиб ўтса, "Борз"ни учинчи раунддан кечиктирмай нокаутга учратиши ҳақидаги фикрини эътиборсиз қолдирмади.

"Борз - 15 ғалаба. Шама - 13 ғалаба ва 3 мағлубият. Ўртамиздаги фарқ фақат шунда. Агар сен менга ҳурмат кўрсатсанг, мен ҳам сени ҳурмат қиламан. Алекснинг жамоаси жуда кўп гапиради, шу сабабдан энди ҳеч қандай ҳурмат йўқ. Агар Перейра мендан қочишни тўхтатса, мен икки дивизионда чемпион бўламан", - деб ёзди енгилмас россиялик жангчи ижтимоий тармоқда нокаутга учраган Перейра ва Иржи Прохазкага бўғилиб ютқазаётган Тейшейра суратини жойлаб.

Аввалроқ Чимаев бир неча бор Перейрага чақирув берган, аммо бразилиялик бунга эътибор бермаган. Хамзат охирги марта "Поатан"га октагонни жорий йилнинг июнь ойида Оқ уйдаги турнирда бўлишишни таклиф қилганди.

Айни пайтда Хамзат Чимаев ўрта вазн тоифасида, Алекс Перейра ярим оғир вазнда амалдаги UFC чемпиони бўлиб турибди.