Чимаев ва Гэрри кечаги UFC турниридан кейин юзага келган можарога изоҳ беришди

Хавфсизлик хизмати бунга йўл қўймасликка мажбур бўлди, иккала жангчи ҳам можарога қарши томон сабаб бўлганига ишончи комил. Воқеа акс этган видео тадбирдан сўнг дарҳол ирландияликнинг ижтимоий тармоғида пайдо бўлди ва жангчиларнинг ҳар бири саҳна ортида улар ўртасида нима бўлганини тушунтирди.

"Агар сен бировга тегинсанг - буни ҳурмат билан амалга ошир. Одамнинг орқасидан пичоқ урмаслик керак. Ҳа, у кафти билан орқамга урди, бу ҳурматсизлик эди. Бировга ҳурмат кўрсатмоқчи бўлсанг, буни ҳурмат билан қил. У эса ўзини йўқотиб қўйди. Сиз бу йигит ўзини қандай тутишини биласиз - у иккинчи Конор бўлишга ҳаракат қилмоқда. Лекин ҳеч қачон бундай бўлмайди", - деди Чимаев Арман Царукяннинг матбуот анжуманида журналистнинг тегишли саволига жавоб берар экан.

Ўз ўрнида Гэрри бу вазиятга бошқача қараётганини билдирди.

"Мен Царукяннинг олдига бориб, уни табрикладим. Кейин Хамзатнинг олдига бориб: "Ҳой, чемпион, ишлар қалай? Яна қачон кўришамиз? дедим. У эса: "Билмадим, биродар. Қачон бўлса, ўша заҳоти" деди ва елкамга қоқиб қўйди. Шундан сўнг хавфсизлик хизмати ходими ўртамизга туриб олди, гарчи бизда ҳаммаси жойида бўлса-да. Биз уришмоқчи эмасдик, лекин тўсатдан унинг болалиги тутиб кетди - у мени итариб юборди. Мен унга ўгирилиб, у жаҳон чемпиони эканлигини, лекин ўзини ёш боладек тутишини айтдим. Сен чемпионсан - сенда ғазабни бошқариш билан боғлиқ муаммо бўлмаслиги керак. Шунчаки ўзингни эркаклардек тут", - деди Гэрри Белал Муҳаммад устидан қозонилган ғалабадан сўнг матбуот анжуманида.