Чимаевнинг навбатдаги жанг санаси ва рақиби маълум

Швеция паспортига эга бўлган чечен спортчиси 30 октабрь куни Абу-Дабидаги UFC 267 турнирида чиқиш қилишини тасдиқлади. Енгилмас спортчининг рақиби, кутилганидек, хитойлик Ли Цзянлян бўлади.

Чимаев 2020 йил сентябридан буён октагонга чиқмаган. Жангчи оғир оқибатларга олиб келадиган коронавирусга чалинган, шунинг учун у ҳатто фаолиятини якунлаганини эълон қилган эди. Лекин охирида у қайтишга қарор қилди.

ММАда Чимаев тўққизта ғалаба қўлга киритди. UFC'да у кетма-кет учта ғалабага эга, уларнинг барчаси муддатидан олдин қўлга киритилган. Цзянлян фаолияти давомида 18 ғалабага эришган ва 8 мағлубиятга учради. Хитойлик жангчи UFC'да 2014 йилдан бери жанг қилади.

Эслатиб ўтамиз, Петр Ян, Ислам Махачев, Александр Волков ва Зубайра Тухугов ҳам UFC 267 турнирида чиқиш қилади.