China Open. Осака бош соврин учун курашни давом эттирмоқда

Сайёрамизнинг тўртинчи ракеткаси Наоми Осака China Open турнирининг учинчи даврасида ғалабага эришди. Япониялик теннис маликаси рейтингнинг 24-ракеткаси америкалик Элисон Рискега қарши кортга чиқди ва ғалаба қозонди - 6/4, 6/0.

Наоми 7 та эйс зарбасини амалга оширган учрашув 1 соату 13 дақиқа давом этган. Икки теннисчининг ўзаро учрашувларидаги ҳисоб тенглашди - 1:1. Осаканинг чорак финалдаги рақиби канадалик Бьянка Андрееску ҳамда америкалик Женнифер Брэди ўртасидаги баҳсдан сўнг маълум бўлади.