Чирчиқда беш ташаббус доирасида тадбир ўтказилди ФОТОГАЛЕРЕЯ

Ўзбекистон талабалар спорти ассоциацияси ташаббуси билан ҳамда Тошкент вилояти касбий таълимни ривожлантириш ва мувофиқлаштириш бошқармаси, Чирчиқ шаҳар ҳокимлиги, Чирчиқ шаҳар сектор раҳбарлари, Чирчиқ шаҳар жисмоний тарбия ва спорт бўлими, Ўзбекистон “Адолат” СДП Тошкент вилояти кенгаши, Халқ депутатлари Чирчиқ шаҳар кенгаши депутатлари ҳамкорилигида бўлиб ўтган спорт тадбирда дастлаб, белгиланган дастурга мувофиқ, дастлаб, эрталабки бадантарбия машғулотлари ўтказилди.

Шундан сўнг спортнинг стритбол, стол тенниси, бадминтон, шахмат-шашка турлари бўйича беллашувларга старт берилди.

Муросасиз ўтган беллашувлар якунида ҳар бир спорт туридан ғолиблар аниқланиб, ташкилотчилар томонидан диплом, медаль ва эсдалик совғалари билан мукофотланишди.  

Шунингдек, тадбир давомида 5 та муҳим ташаббус доирасидаги ёшларнинг мусиқа, рассомлик, адабиёт, театр ва санъат турларига қизиқтириш, аҳоли ва ёшлар ўртасида комьпютер технологиялари ва интернетдан самаралари фойдаланишни ташкил этиш, ёшлар маънавиятини юксалтириш, улар ўртасида китобхонликни кенг тарғиб қилиш, хотин-қизларни иш билан таъминлаш масалалари бўйича ҳам алоҳида  кўргазмали чиқишлар, очиқ дарслар намойиш этилди.

Тадбир сўнггида иштирокчилар касб-ҳунар мактаби жамоасига муносиб тайёргарлик ишлари учун миннатдорчилик билдиришди.

Илҳом РАҲМОНОВ тайёрлади