Чироқчлик фахрий полвонлар Ўзбекистон чемпионатида 6 та медаль қўлга киритишди

Осиё чемпионатига йўлланма бериши билан аҳамиятли бўлган мазкур мамлакат чемпионатида қашқадарёлик, хусусан, Чироқчи спорт мактаби фахрий полвонларининг иштироки муваффақиятли бўлди. 

Жумладан, 60-65 ёшли фахрий полвонлар ўртасида Худойберди Маматов, Баҳриддин Ярматов ўз вазн тоифаларида олтин медални қўлга  киритишди. 50-55 ёшлилар ўртасидаги баҳсларда Чироқчи спорт мактаби директори Анвар Жўраев ҳамда 55-60 ёшлиларда номдор полвон Маҳмадўст Тошевлар иккинчи ўринни эгаллаб, кумуш медалларга эга чиқишди. 

Шунингдек, яна бир чироқчилик полвон, спорт мактаби директори Анвар Жўраевнинг акаси Акбар Жўраев (55-60 ёш) ва (40-45 ёш) Баҳодир Давроновга бронза медали насиб этди. 

Юқорида таъкидлаганимиздек, кучли учликдан жой олган фахрий атлетлар апрель ойида пойтахтимизда ўтадиган Осиё чемпионатида иштирок этиш йўлланмасига эга бўлишди. 

Илҳом РАҲМОНОВ тайёрлади