Чисора деярли бой берган жангини нокаут билан якунлади ва чемпионга айланди

Чисора вакант бўлиб қолган қитъалараро WBA чемпионлик камари учун франциялик Карлос Такамга қарши рингга кўтарилди. Ўн икки раундга мўлжалланган жангнинг ортда қолган саккиз раундида катта ташаббусга эга бўлган Такам кутилмаганда чуқур нокаутга учради. 

Холдан тойиган Чисора саккизинчи раундда бор кучини биргина зарбага қаратди ва ўнг қўлда берилган хук зарбаси эвазига рақибини ринг марказига қулатди. Рефери нокаут қайд этиб, Дерекнинг ғалабасини таъминлади. Чисора чемпионлик камарига эга бўлди.