07 авг 19:02
Янгиликлар

Бокс/ММА

Чисора навбатдаги жангини 12 август куни Лондонда ўтказади, рақиб номи маълум

Дерек Чисоранинг навбатдаги жангига оид тафсилотлар маълум бўлди.

Британиялик оғир вазнли боксчи Дерек Чисора 12 август куни Лондонда рингга чиқади. Унинг рақиби америкалик Жеральд Вашингтон бўлади.

Чисора охирги марта Тайсон Фьюрига қарши 2022 йилнинг декабрида жанг қилган эди. Ушбу қарама-қаршиликда Дерек ўнинчи раундда техник нокаут билан мағлуб бўлган. Унинг ҳисобида 33 та ғалаба (23 таси нокаут) ва 13 та мағлубият бор.

Вашингтон эса охирги марта 2022 йилнинг январида Али Эрен Демирезенга қарши рингга чиққан эди. Ушбу жанг Жералднинг саккизинчи раунддаги техник нокаутли мағлубияти билан якунланган. Унинг ҳисобида 20 та ғалаба (13 таси нокаут), 5 та мағлубият ва битта дуранг мавжуд.