Циципас US Open турниридаги иштирокини ғалаба билан бошлади

Эркаклар ўртасидаги баҳсларда дунёнинг олтинчи ракеткаси Стефанос Циципас илк даврада осон ғалабага эришди. Грециялик теннисчи рейтингнинг 41-поғонасидан жой олган испаниялик Альберт Рамосни мағлубиятга учратди - 6/2, 6/1, 6/1.

Учрашув 1 соату 38 дақиқа давом этган. Стефанос 13 та эйс зарбасини амалга оширди. Ўзаро учрашувлардаги ҳисоб яна йириклашди - 3:0. Энди Циципас US Open турнирининг иккинчи даврасида словакиялик Йозеф Коваликдан 6/1, 2/6, 6/4, 6/4 ҳисобларида устун келган франциялик Максим Крессига қарши кортга чиқади.