Циципаснинг Венадаги кутилмаган мағлубияти

Кутилмаганда сайёрамизнинг бешинчи ракеткаси, грециялик Стефанос Циципас мусобақанинг иккинчи даврасида рейтингнинг 20-поғонасидан жой олиб турган болгариялик Григор Димитровга имкониятни бой бериб қўйди - 7/6(5), 4/6, 3/6.

Икки соату 13 дақиқа давом этган баҳсда 22 ёшли Стефанос 15 та, 29 яшар Григор эса 5 та эйс зарбасини амалга оширди. Ўзаро учрашувлардаги ҳисоб мувозанати тикланди - 1:1. Энди болқонлик теннисчи Erste Bank Open турнирининг чорак финалида британиялик Дэниэль Эвансга қарши кортга чиқади. Эванс ўз ўрнида австриялик Юрий Родионовни 7/5, 6/3 ҳисобларида мағлубиятга учратди.