Димитров Brisbane International чемпионлик унвонини ҳимоя қила олмади

Мусобақанинг амалдаги чемпиони бўлиб келган Григор Димитров 1/2 финал учрашувини охирига етказа олмади. Болгариялик тажрибали теннисчи рейтингнинг 28-поғонасида бораётган чехиялик Иржи Лехечкага ютқазиб қўйди. Анқироғи, дунёнинг 10-ракеткаси 4/6, 4/4 ҳисоби бўлиб турган бир пайтда жароҳат сабаб ўйинни тўхтатишга мажбур бўлди. 

Теннисчиларнинг ўзаро учрашувлари ҳисобида Иржи олдинда бормоқда - 3:1. Мағлубиятга қарамай, Григор эртага эълон қилинадиган янги рейтингда Топ-10`даги ўрнини сақлаб қолади. Лехечка Brisbane International бош соврини учун америкалик Рейлли Опелкага қарши кортга чиқади.