17 авг 16:48
Янгиликлар

Теннис

Cincinnati Open. Арина Соболенко Свитолинани тўхтатди

АҚШнинг Цинциннати шаҳрида теннис бўйича WTA 1000 тоифасига кирувчи турнир давом этмоқда.

Дунёнинг учинчи ракеткаси Арина Соболенко Cincinnati Open мусобақасининг 1/4 финалига йўл олди. Беларуслик теннис маликаси учинчи даврада WTA рейтингининг 30-поғонасидан жой олган украиналик Элина Свитолинани мағлубиятга учратди - 7/5, 6/2.

Арина теннисчиларнинг ўзаро учрашувлари ҳисобида олдинда бормоқда - 4:1. Тўқсон тўрт дақиқа давом этган баҳсда иккала теннисчи ҳам 5 тадан эйс зарбасини ижро этишган. Қўшхатолар Элинада биттага кўпроқ бўлди - 4 га 3. Брейклар бўйича устунлик Соболенко томонида - 4 га 1!

Бугун беларуслик теннисчи 1/4 финалда россиялик Людмила Самсоновага қарши кортга чиқади.