06 фев 14:53
Янгиликлар

Бокс/ММА

Cобиқ UFC чемпиони Доминик Круз ҳам сафдан чиқди

22 февраль куни АҚШнинг Вашингтон штати Сиэтл шаҳридаги "Climate Pledge Arena"да навбатдаги UFC турнири ўтказилади.

UFC Fight Night 252 турнири кардидан ўрин олган Доминик "Доминатор" Круз иштирокидаги жанг бекор бўлди. Америкалик 39 ёшли аралаш яккакураш устаси ватандоши Роб Фонтга қарши октагонга чиқиши керак эди. Бунга Крузнинг машғулотда жароҳат орттириб олгани сабаб бўлди.

Матчмейкерлар Фонтга янги рақиб излашни бошлаб юборишган. Уларни Робни кардда олиб қолишни мақсад қилишган. Собиқ UFC чемпиони Доминик Круз сўнгги жангини 2022 йилнинг август ойида Марлон Верага қарши ўтказиб, тўртинчи раундда нокаутга учраган эли. Унгача у Кейси Кенни ва Педро Муньоздан устун келганди.

Эслатиб ўтамиз, UFC Fight Night 252 турнирининг марказий жанги ўта енгил вазн тоифасида собиқ учталик чемпион Генри Сехудо ҳамда Сонг Ядонг ўртасида бўлиб ўтади.