Cултонов Острава турнири асосий тўрига йўл олди

Мукофот жамғармаси 73 000 еврони ташкил этувчи ушбу турнирда ҳамюртимиз Ҳумоюн Султонов ҳам ўз омадини синаб кўряпти. Мамлакатимизнинг иккинчи ракеткаси саралаш баҳсларидаги иккита учрашувда ғалаба қозониб, асосий тўрга йўлланма олди. 

Султонов аввалига саралашнинг 1/2 финалида чехиялик Эндрю Паулсонни 6/3, 6/2 ҳисобида мағлуб этди. Асосий тўрга йўлланма тақдим этган финал баҳсида эса австриялик Геральд Мельцердан 6/1, 6/2 ҳисобида устун келди. Геральд таниқли Юрген Мельцернинг укаси ҳисобланади. 

Таққослаш учун, Султонов ATP рейтингида 425, Паулсон 415, Мельцер эса 418-ўринни эгаллаб турибди. Бугун Ҳумоюн асосий тўрнинг 1/16 финалида дунёнинг 241-ракеткаси франциялик Гарольд Майога қарши кортга чиқади. Ушбу баҳс бизнинг вақт билан соат 13:00да бошланиши белгиланган.