Цзюга Зерафа билан жанг учун 1 млн $ таклиф қилишди

Биринчи ярим ўрта вазн тоифасида собиқ мутлақ жаҳон чемпиони Костя Цзюнинг ўғли бўлган Тим 31 март куни ирландиялик Деннис Хоганни муддатидан аввал мағлубиятга учратган эди. Зерафанинг промоутери Тим ва унинг жамоасига ўзаро жанг ўтказиш учун 1 миллион доллар таклиф қилишди. 

"Тимнинг Зерафадан қочиб юриши, турли баҳоналари жонимга тегди. Бу Австралия бокси тарихидаги энг катта жанг бўлар эди. Ҳа, Тим яхши жангчи. Лекин у охирги жангида 36 ёшли Хоганни мағлубиятга учратди. Бу Денниснинг кетма-кет иккинчи мағлубияти эди. Боз устига жангдан олдин у жароҳат олганди. Тим ҳеч қачон Майкл Зерафа каби боксчилар билан тўқнаш келмаган. Унинг рақиблари ҳеч қачон жаҳон чемпиони бўла олмайди. Тим олдин Австралияни забт этсин", — деди Зерафанинг промоутери.